Zakaa Fixrii

 

12 Nov, 14:03

بِسْمِ اللَّـهِ الرَّحْمَـٰنِ الرَّحِيمِ
°°°°°°°°°°
KITAABA FIQ-HUL MUYASSAR
••••••••••••••••••••••••••••
BOQONNAA 3
KITAABA ZAKAA
=========
BARNOOTA 4FFAA KUTAA 1FFAA
========

Barnoota keenna hardhaa keessatti waa'ee Zakaa FIXRII(zakaata dhalootaa) Baranna.

ZAKAA FIXRII jechuun:- zakaa dhalootaan namarratti dirqama taatu jechuudha. Zakaa FIXRII midhaan gahaa qabaatteef hin baaftu. Ykn horii gahaa qabaatteef osoo hin taane nama muslimaa taatee argamuu kee qofaaf dhuma ramadaanaa irratti kan baaftuudha.

ZAKAAN FIXRII dirqama nama muslima ta'e hundarratti. Daa'ima fi Ga'eessa irraahis ni baafamti.

Rasuulli rabbii SAW :-

فرض رسول الله ﷺ زكاة الفطر صاعا من تمر أو صاعا من شعير على العبد والحر والذكر والأنثى والصغير والكبير من المسلمين"،

"Dirqama godheet Jira, rasuulli rabbii SAW zakaa fixrii kooboo takka tan timira irraa taate ykn garbuu irraa taate. Gabraa fi bilisa, dhiiraa fi dhalaa, xiqqaa fi guddaa irrattis muslimtoota irraa."

Abbaan warraa maatii isaa hundarraa baasuun dirqama yoo danda'e. Danda'uu jechuun ammoo yoo waan guyyaa Iidaa San nyaatu qabaate waan irraa hafe zakaa fixrii baasa jechuudha.

ULAAGAA ZAKAA FIXRII!

1. Islaama ta'uu.
2. Waan guyyaa ayyaanaa San nyaattee irraa siif hafu kennuudha.

HANGA BAAFAMU

Zakaa fixrii midhaan qofatu baafama. Qarshii baasuun hin danda'amu. Midhaan baafamus midhaan biyya sanitti baramaa (kan nyaatamu) ta'uu qaba. Fknf akka biyya keenyaatti Xaafii, qamadii, boqqolloo, mishingaa, garbuu, hayisaa, Ruuza fi kknf ta'uu danda'a.

Kana malees aannan gogaa baasuun ni danda'ama.

✍️Hangi midhaanii kan baafamu Ammoo akka zamana keennaa kanatti Kiiloo lamaafi walakkaa ol ta'uu qaba. (2.⅕) Kana jechuun Akka gaafa Rasuulaa sanitti muddii 4 ta'a jechuudha.

FAAYIDAA ZAKAA FIXRII

👉 Nama soomanarra ture sana qulqulleessa. Bakka soomanni isaa jalaa hirdhateen guuta.

👉 Miskiina fi harka qalleeyyii guyyaa sana akka waa nama hin kadhanneef qarqaara. Kanaafuu isaanis guyyaa gammachuu isaanii islaama wajjiin dabarsu.

Rasuulli rabbii SAW:-

ابن عباس رضي الله عنهما قال: فرض رسول الله ﷺ زكاة الفطر طهرة للصائم من اللغو والرفث وطعمة للمساكين فمن أداها قبل الصلاة فهي زكاة مقبولة، ومن أداها بعد الصلاة فهي صدقة من الصدقات.

👉 Tola rabbiin namarratti oole ibsuutu keessa Jira. Gammachuu islaama wajjiin qoodachuudha.

YEROO ZAKAAN FIXRII ITTI GAGGEEFFAMTU.

Zakaa fixrii galgala guyyaa Iidaa jechuun osoo guyyaan Iidaa hin bari'in baasuun ni danda'ama.

Yeroon zakaan fixrii itti baafamuu qabdu hunda caalaa ganama guyyaa Iidaa sana osoo Salaata IIDAA hin salaatin dura jechuudha.

Salaata IIDAA booda zakaa fixrii baasuun hin danda'amu. Baaftuus bakka bu'uu hin dandeessu.

Rabbiitu beeka
والله اعلم

77200843

Ali Sufiyan Official

11 Nov, 20:25

بِسْمِ اللَّـهِ الرَّحْمَـٰنِ الرَّحِيمِ
°°°°°°°°°°
KITAABA FIQ-HUL MUYASSAR
••••••••••••••••••••••••••••
BOQONNAA 3
KITAABA ZAKAA
=========
BARNOOTA 3FFAA KUTAA 2FFAA
========

Barnoota keenna hardhaa keessatti waa'ee Zakaa beeyladootaa Baranna.

waa'ee Zakaa beeyladootaa

ZAKAA RE'EE.

👉Re'ee 40 irraa hanga 120tti re'ee tokko irraa baasu.
👉 120-200 irraa ammoo re'ee 2 baasu.
👉 201-300 re'ee 3 irraa baasu. Kanaa ol yoo caalte ammoo 100 hunda keessaa re'ee 1 baasu.

Rasuulli rabbii SAW akkana jedhan:-

: { وفي صدقة الغنم في سائمتها ، إذا كانت أربعين إلى عشرين ومائة ، شاة ، فإذا زادت على عشرين ومائة إلى مائتين ، ففيها شاتان ، فإذا زادت على مائتين إلى ثلاثمائة ، ففيها ثلاث شياه ، فإذا زادت على ثلاثمائة ، ففي كل مائة شاة ، وإذا كانت سائمة الرجل ناقصة من أربعين شاة واحدة ، فليس فيها صدقة إلا أن يشاء ربها ، ولا يخرج في الصدقة هرمة ، ولا ذات عوار ، ولا تيسا ، إلا ما شاء المصدق } .

"Yoo bobbaan/tikni re'ee 40 fi isaa ol ta'e, dhibba hunda irraa re'ee takka baasu. Yoo re'een namichaa 40 gadi taate ammoo zakaan keessa hin jiru."

ZAKAA YOO FUUDHAN TAN AKKAMTU FUUDHAMA?

Islaamummaan Kara hundatti haqa namaa ni eega. Namicha kennuufii kan fuudhuufis haqni lachuu tikfamaadha.

Gaala, loonii fi re'een zakaa taatu:-

✍️ Fayyaa qabaachuu qabdi. Re'een dhukkuba qabdu hin fuudhamtu.

✍️ Akkasumas qaamaa guutuu ta'uu qabdi. Jechuun Qaamni isii hir'uu ta'uu hin qabu. (Tana ija hin qabne, gurra hin qabne, fi hanqina garagaraa qabdu hin taatu).

✍️ Haadha ilmaanis ykn aanesse fuudhuun hin ta'u.

✍️ Tan rimaya qabdus fuudhuun hin ta'u.

✍️ Tan qalmaaf qophooftes hin fuudhamtu.

✍️ Sangaa qotus fuudhuun hin hayyamamu.

✍️ Tan hunda caalaa abbaan jaalatuu fi abdatus hin fuudhan.

Horii bobbaa tokkoo (kan nama hedduun walitti qaban) zakaan isaa akkamitti baha?

Kana bakka lamatti qoonnee laaluu ni dandeenna.

1. Qabeenya waloo (jechuun kan walitti bitame) kan hin qoodamin. Fknf loon 40 magaalaa deemanii bitanii galan, loon kana walumatti bitan malee Kuni keeti Kuni kiyya wanni jedhamu hin jiru.

2. Horii dhuunfaa garuu kan walitti dabalamee bakka tokko bulu, waliin bobba'uudha. Kana jechuun jalqaba namni walitti naqate Kuni loon isaa kophaa kophaatti ni beeka jechuudha.

Ulaagaa asiin gadii yoo guttate lachuu zakaan irraa bahuu qaba.

☝️ Horiin Kuni waliin buluu fi waliin bobba'uu qaba. Jechuun Tika tokko ta'uu qaba.

☝️ Namoonni walitti tikfatan Kuni lachuu ykn hundinuu namoota zakaan irratti dirqama ta'e ta'uu qabu. Kana jechuun fknf nama 3n walitti naqatanii yoo namni tokko keessaa kaafira ta'e zakaan irratti dirqama hin taane jechuudha.

☝️ Loon walitti ida'ame Kuni baay'inaan sadarkaa zakaa gahuu qabu. Jechuun yoo loon taate 30 ol yoo gaala taate 5 oli yoo re'ee taate ammoo 40 ol ta'uu qabdi.

Hubachiisa:- zakaa sodaaf jecha loon duraan waliin bobba'u adda baasun hin ta'u. Ammas zakaa irraa baafna jedhanii beeyladoota duraan waliin hin jirre walitti naquunis hin hayyamamu.
Kana jechuun amma osoo namni 3 re'ee afurtama, afurtama qabaatee zakaan irraa bahu re'ee 3 ture, garuu walitti maknee 120 irraa re'ee tokko baafna jechuu fa'a. Kun hin hayyamamu.

Ulaagaan Kuni beeyladoota qofaaf oola.

Rabbiitu beeka
والله اعلم

1.2k00730

Ali Sufiyan Official

10 Nov, 13:30

بِسْمِ اللَّـهِ الرَّحْمَـٰنِ الرَّحِيمِ
°°°°°°°°°°
KITAABA FIQ-HUL MUYASSAR
••••••••••••••••••••••••••••
BOQONNAA 3
KITAABA ZAKAA
=========
BARNOOTA 3FFAA KUTAA 1FFAA
========

Barnoota keenna hardhaa keessatti waa'ee Zakaa beeyladootaa Baranna.

Beeylada jechuun:- gaala, loonii, Hoolaa fi re'eedha.

ULAAGAA ZAKAA BEEYLADOOTAA!

1. Sadarkaa zakaan irraa bahu gahuu qaba. Kana jechuun yoo gaala ta'e 5 fi isaa oli. Re'ee yoo ta'e 40 fi isaa oli. Loon yoo ta'e ammoo 30 fi Isa oli.

2. Waggaan irra naannahuu. Erga waggaan irra deebi'ee booda zakaan irraa baha.

3. Tika tokko keessa jiraachuu qaba. Jechuun bobbaa takka ta'uu qaba.

4. Hojjattuu tan hin taane. Jechuun gaala bishaan waraabu, ykn sangaa qotu ta'uu hin qabu. Maalif? Sangaa qotu 30 namni qabu Zakaa irraa baasuun dirqamaa miti. Maalif? Sababnisaa ooyruu/maasaa sangaan Kuni qote irraa zakaan waan bahuufi.

BEEYLADOOTA IRRAA ZAKAAN MAALTU BAHA?

✍️ Gaala 5 irraa jalqabee zakaan irraa baha.

✍️Gaala 5 = ilmoo re'ee takka.
✍️Gaala 10= Re'ee lama.
✍️Gaala 15= re'ee sadi.
✍️Gaala 20 = Re'ee afur.
✍️Gaala 25-35= Orgee/ogoree gaalaa tan waggaa takka fixxee waggaa lamaatu irraa baha. Yoo hin qabne ammoo dibicha gaalaa kan waggaa lamaa baasa.

✍️ Gaala 36-45= Orgee/ogoree tan waggaa lama geesse irraa baasu.
✍️ Gaala 46-60= goromtii gaalaa tan waggaa 3 guutte irraa baasu.
✍️ Gaala 61-75= gaala waggaa 4 xumurtee gara 5nii deemtu ykn kan ilkaan cabse/buuse irraa baasu.

✍️ Gaala 76-90 = Orgee/ogoree haati irratti dhalte jechuun tan waggaa lama guutte 2tu irraa baafama.

✍️ Gaala 90-120= gaala waggaa 4 guute lama irraa baasu.

✍️ Gaala 120 ol yoo ta'e afurtama afurtamatti qoodaanii afurtama hunda irraa ogoree gaalaa tan waggaa lama guutte irraa baasu.

ZAKAA LOONII
zakaan loonii 30 irraa jalqaba.

👉 30-39= jibicha waggaa tokko guutee gara lammaffaa seene irraa baasu.
👉 40-59= jibicha waggaa lama guutee gara saddaaffaa deemu irraa baasu.
👉60-69= jiboota waggaa lamaa 2 irraa baasu.
👉 Horiin yoo torbaatamaa fi isaa ol darbe 30 hunda keessaa jibicha tokko baasu. Afurtama hunda irraa jibicha waggaa lamaa fi isaa ol dabre baasu

Bottom of Form